Үе, үеийн удирдлагууд

НЭГДСЭН ЭМНЭЛГИЙН АНГИЙН ДАРГА-ЕРӨНХИЙ ЭМЧ, ДЭД ХУРАНДАА САМБУУГИЙН ОТГОНЫ ТОВЧ НАМТАР /1990-1994 он/

Дэд хурандаа Самбуугийн Отгон нь 1944 онд Архангай аймгийн Булган суманд төрсөн. 1972 онд Анагаах ухааны дээд сургуулийг хүний их эмч мэргэжлээр төгссөн. 1972-1980 онд НАХЯ-ны эмнэлэгт мэс заслын эмч, 1980-1981 онд ЗХУ-ын Ленинград хотын Цэргийн эмнэлгийн дээд академийг цэргийн хээрийн мэс заслын мэргэжлээр төгсч 1981-1988 онд НАХЯ-ны эмнэлэгт мэс заслын тасгийн эрхлэгч, 1990-1994 онд Засан хүмүүжүүлэх хөдөлмөрийн газрын харьяа нэгдсэн эмнэлгийн анхны ангийн дарга-ерөнхий эмчээр тус тус томилогдон ажиллаж ирсэн. 1994 оны 11 дүгээр сард дарга-ерөнхий эмч, хурандаа Д.Гэрэлцацралтад шилжүүлж, мэс заслын тасгийн эрхлэгчээр 1996 оны 10 дугаар сар хүртэл ажиллаж байгаад цэргийн гавьяаны амралт тэтгэвэртээ гарсан. Тэтгэвэртээ гарсны дараа энгийнээр “Цагдан хорих төв”-ийн эмнэлэгт мэс заслын эмчээр 1996-2003 оны 3 дугаар сар хүртэл ажилласан.

НЭГДСЭН ЭМНЭЛГИЙН АНГИЙН ДАРГА-ЕРӨНХИЙ ЭМЧ, ХУРАНДАА ДОРЖИЙН ГЭРЭЛЦАЦРАЛТЫН ТОВЧ НАМТАР /1994-1996 он/

Хурандаа Доржийн Гэрэлцацралт нь 1949 онд Улаанбаатар хотод төрсөн. 1971 онд Анагаах ухааны дээд сургуулийг хүний их эмчээр төгссөн. 1972-1981 онд НАХЯ-ны эмнэлэгт дотрын тасгийн эмч, 1981-1988 онд  НАХЯ-ны эмнэлгийн дотрын тасгийн эрхлэгч, 1988-1991 онд Засан хүмүүжүүлэх хөдөлмөрийн газрын төв эмнэлэгт дотрын тасгийн эрхлэгч, 1991-1993 онд Дорнод аймгийн Хилийн хорооны эмнэлгийн албаны дарга, 1993-1994 онд Хилийн 0119-р ангийн эмнэлгийн албаны дарга, 1994-1996 онд Хорих байгууллагын удирдах газрын нэгдсэн эмнэлгийн ангийн дарга, ерөнхий эмчээр томилогдон ажиллаж байгаад 1994 оны 11 дүгээр сарын 24-ны өдрийн б/560 дугаар тушаалаар Монгол улсын анхны эмэгтэй эмч хурандаа цолтон төрсөн. Тэрээр Монгол Улсын Засгийн газрын 1995 оны 37, 138-р тогтоолоор ХБУГ-ын Нэгдсэн эмнэлгийг 1995 оны 12 дугаар сард Зайсан дахь сүрьеэгийн клиникийн эмнэлгийн байранд нүүлгэн шилжүүлсэн нь тухайн үеийн эмнэлгийн орчин нөхцөл, өвчтөнд үзүүлэх эмнэлгийн тусламж үйлчилгээ сайжирч, өвчтөнүүдийн дундаас гарах халдварт өвчтөн, нас баралтыг тодорхой хувиар бууруулан ажилласан нь хорих байгууллагын эмнэлгийн үйл ажиллагаа, эрүүл мэндийн салбарт тодорхой ахиц, дэвшил гаргасан байна.

ДАМЖИН ӨНГӨРҮҮЛЭХ 401 ДҮГЭЭР АНГИЙН ДАРГА, ХУРАНДАА БАДАРЧИЙН ИДЭРМӨНХИЙН ТОВЧ НАМТАР /1996-1999 он/

Бадарчийн Идэрмөнх нь 1964-1968 онд Улаанбаатар хотын Анагаах ухааны дунд сургуулийг дүүргэж, Хүний бага эмч эх баригчийн мэргэжилтэй болсон. 1980 онд ЗХУ-ын ДЯЯ-ны дээд сургуульд элсэн суралцаж төгссөн. Баянхонгор аймгийн Шинэ жинст сумын Эхийн голын жимс ногооны Эрдэм шинжилгээний станцад хүний бага эмч, Эрдэм шинжилгээний туслах ажилтнаар ажиллаж байгаад, 1970 онд Цэргийн албанд татагдаж Ардын армийн 072 дугаар анги, Мото буудлагын 1 дүгээр бригад /016 дугаар нэгтгэл/-д алба хааж, 1973 оноос Цэргийн госпиталд бага эмч, 1974 оноос НАХЯ-ны ЗХБУГ-ын Бэрлэг дэх  колонид хүний бага эмчээр, 1977 оноос мөн колонид Мод бэлтгэх хэргийн дарга, 1985 оны 08 дугаар сараас ЗХБУГ-ын Бэрлэг дэх колонид Улс төрийн орлогч, 1986 оны 1-р сараас Бэрлэг дэх колоний дарга, 1988 онд Хэнтий аймгийн Бүрэн хааны хөдөлмөр-хүмүүжил, хөдөлмөр эмчилгээний газрын дарга, 1991 оноос Хөдөлмөр-хүмүүжил, хөдөлмөр  эмчилгээний газрын дарга, 1991 оноос Дамжин өнгөрүүлэх ангийн дарга, 1996 оноос Нэгдсэн хорих ангийн дарга, 2000 оноос Авдрантын онцгой дэглэмтэй хорих ангийн дарга, 2001 оноос Амгалангийн хорих ангийн дарга, хорих 409 дүгээр ангийн орлогч дарга, 2001 оны 11 дүгээр сараас ШШГЕГ-ын Мааньт дахь Шохой, тоосгоны нэгдсэн үйлдвэрийн даргаар тус тус томилогдон ажиллаж байсан.

ХОРИХ 401 ДҮГЭЭР АНГИЙН ДАРГА, ХУРАНДАА ЛУВСАНБАЛДАНГИЙН ӨЛЗИЙМӨНХИЙН ТОВЧ НАМТАР /1999-2005 он/

Хурандаа Лувсанбалдангийн Өлзиймөнх нь 1959 онд Улаанбаатар хотод төрсөн. Хуульч мэргэжилтэй, хууль зүйн ухааны магистр зэрэгтэй. Хурандаа Л.Өлзиймөнх нь 1967-1975 онд Нийслэлийн 13 дугаар дунд сургууль, 1975-1977 онд хуучнаар ЗХУ-ын Оренбург мужийн техник мэргэжлийн сургууль, 1982-1986 онд Цагдаагийн дээд сургууль, 2005-2007 онд ОХУ-ын Москва хотын Дотоод явдлын яамны академийг тус тус төгссөн. 1978-1986 онд Төв гал командад гал сөнөөгч, 1986-1988 онд Мөнгөн морьт дахь хорих 417 дугаар ангид сурган хүмүүжүүлэгч, 1988-1990 онд Сонгино хайрхан дүүргийн Цагдаагийн хэлтэст хэсгийн байцаагч, 1999 онд Мааньт дахь Хорих 415 дугаар ангид ээлжийн дарга, 1999 оны 9 дүгээр сараас Авдрант дахь хорих 403 дугаар ангийн харуул хамгаалалт гүйцэтгэх ажил эрхэлсэн дэд дарга, 1999-2005 онд Хорих 401 дүгээр ангийн дарга, 2007-2009 онд Авдрант дахь Хорих 403 дугаар ангийн дарга, 2009 онд Цагдан хорих 461 дүгээр ангийн даргаар тус тус ажиллаж байгаад 2015 онд Орон сууцны барилгын хэсгийн төр хурах хариуцсан даргаар ажиллаж байсан.

ХОРИХ 401 ДҮГЭЭР АНГИЙН ДАРГА, ХУРАНДАА ПҮРЭВЖАВЫН ХОСБАЯРЫН ТОВЧ НАМТАР /2006-2007 он/

Хурандаа П.Хосбаяр нь 1996-2000 онд Цагдаагийн академийг эрх зүйч мэргэжлээр төгссөн. 2003-2005 Тагнуулын ерөнхий газрын дээд сургуульд аюулгүй байдлын магистрын зэрэг хамгаалсан. 2007-2009 онд ОХУ-ын Дотоод явдлын яамны Удирдлагын академид суралцан төр, захиргааны удирдлагын менежер мэргэжил эзэмшсэн. 2009 онд Холбооны бүгд найрамдах герман улсын Бавар муж дахь Аюулгүй байдлын институтэд мэргэжил дээшлүүлсэн. 2015 онд  Хууль сахиулахын их сургуулийн Клиникийн дэд профессор цол хүртсэн. 2000-2003 онд Шүүхийн шийдвэр гүйцэтгэх ерөнхий газрын Тусгай тасагт хэрэг бүртгэгч, төлөөлөгч, ахлах төлөөлөгч, 2003-2006 онд Цагдан хорих 461 дүгээр хаалттай ангийн гүйцэтгэх ажил, харуул хамгаалалт эрхэлсэн дэд дарга, 2006-2007 онд Хорих 401 дүгээр ангийн дарга, 2009 онд Дархан-Уул аймаг дахь Шийдвэр гүйцэтгэх албаны дарга, 2009-2010 онд Үндэсний Аюулгүй Байдлын Зөвлөлийн Стратегийн судалгааны хүрээлэнд Төрийн байгуулалтын аюулгүй байдлын төвийн дарга, 2010-2012 онд ШШГЕГ-ын Тогтоол гүйцэтгэх газрын дэд дарга бөгөөд гүйцэтгэх алба, харуул хамгаалалтын хэлтсийн дарга, 2012-2013 онд онд ШШГЕГ-ын дэд дарга бөгөөд Тогтоол гүйцэтгэх газрын дарга, 2013 онд ШШГЕГ-ын Тэргүүн дэд дарга, 2014 оны 09 дүгээр сараас ШШГЕГ-ын Шийдвэр гүйцэтгэх газрын дарга, 2015 оны 04 дүгээр сараас Тогтоол гүйцэтгэх газрын дарга, 2016 онд ШШГЕГ-ын Аюулгүй байдал, тусгай ажиллагааны газрын даргаар томилогдон тус тус ажиллаж байсан.

НЭГДСЭН ХОРИХ 401 ДҮГЭЭР АНГИЙН ДАРГА, ХУРАНДАА ДАШЗЭВЭГИЙН ГАНХУЯГИЙН ТОВЧ НАМТАР /2007-2009 он/

Хурандаа Дашзэвэгийн Ганхуяг нь 1983-1987 онд НАХЯ-ны Цэргийн дээд сургуулийг тус тус төгссөн. Дээд боловсролтой, хуульч мэргэжилтэй. 1982-1983 онд УЦСЕГ-ын 0230 дугаар ангид цэргийн алба хаасан. 1987-1990 онд ЗХХБУГ-ын харьяа Дорноговь аймгийн Сүмбэр суман дахь Засан хүмүүжүүлэх хөдөлмөрийн колонд ээлжийн дарга, 1990-2000 онд Говьсүмбэр аймаг дахь Хорих 425 дугаар ангид төлөөлөгч, ахлах төлөөлөгч, 2000-2003 онд Амгалан дахь Хорих 421 дүгээр ангид Харуул хамгаалалт гүйцэтгэх ажил эрхэлсэн дэд дарга, 2003-2007 онд Авдрант дахь Хорих 403 дугаар ангийн дарга, 2007 оны 06 дугаар сараас 08 дугаар сар Хорих 405 дугаар ангийн дарга, 2007-2009 онд Нэгдсэн хорих 401 дүгээр ангийн дарга, 2009-2013 онд Хорих 429 дүгээр ангийн дарга, 2013-2014 онд Хорих 407 дугаар ангийн даргаар тус тус ажиллаж байсан.

ХОРИХ 401 ДҮГЭЭР АНГИЙН ДАРГА, ХУРАНДАА ХӨХӨӨГИЙН УЛАМБАЯР /2009-2010 он/

Хурандаа Хөхөөгийн Уламбаяр нь 1987 онд НАХЯ-ны Цэргийн тусгай дунд сургууль, 1991 онд ЗХУ-ын Дотоод явдлын яамны Рязань хотын дээд сургуулийг төгссөн, хуульч мэргэжилтэй. 1978-1986 онд Хархорин дахь хорих ангид хэсгийн дарга, 1991-1992 онд Дамжин өнгөрүүлэх ангид төлөөлөгч, Хорих байгууллагуудыг удирдах газарт тоо бүртгэлийн ахлах байцаагч, 1992-1993 онд Авдрант дахь хорих ангийн дарга, 1993-1996 онд Амгалан дахь Хорих 421 дүгээр ангийн аж ахуй эрхэлсэн дэд дарга, 1996-2000 онд Өндөрхаан дахь Шүүхийн шийдвэр биелүүлэх албаны дарга, ШШБЕГ-ын даргын 2000 оны 10 дугаар сарын 17-ны өдрийн б/721 дүгээр тушаалаар   Захиргааны удирдлагын газрын даргаар томилогдож улмаар Хууль зүй, дотоод хэргийн сайдын 2003 оны 243-р тушаалаар ШШГЕГ-ын дэд дарга бөгөөд Тогтоол гүйцэтгэх газрын дарга, 2007 онд Говьсүмбэрийн  аймгийн ШШГА-ны дарга, 2008 онд Хорих 429 дүгээр ангийн дарга, 2009-2010 онд хорих 401 дүгээр ангийн дарга, 2010-2012 онд хорих 421 дүгээр ангийн даргаар томилогдон ажиллаж байсан.

ХОРИХ 401 ДҮГЭЭР АНГИЙН ДАРГА, ХУРАНДАА ДАМДИНГИЙН ДАМДИНЦЭРЭНГИЙН ТОВЧ НАМТАР /2010-2012 он/

            Хурандаа Д.Дамдинцэрэн нь 1988-1992 онд НАХЯ-ны Цагдаагийн дээд сургуулийг эрх зүйч мэргэжлээр төгссөн. 2003-2005 онд ОХУ-ын Дотоод явдлын яамны удирдлагын академийг төв орон нутгийн захиргааны байгууллагын удирдах ажилтан мэргэжлээр, 2003-2005 онд ОХУ-д Дотоод явдлын яамны академи, 2014-2017 онд Хууль сахиулахын их сургуулийн Хууль зүйн ухааны доктор зэрэг хүртсэн. 1992 онд ЗХХБУГ-ын Багануур дахь 427 дугаар ангид төлөөлөгч, 1992-1994 онд Эрүүгийн цагдаагийн газарт эрүүгийн төлөөлөгч, 1994-1996 онд Цагдаагийн ерөнхий газрын Ганц худаг дахь Урьдчилан хорих төвд төлөөлөгч, ахлах төлөөлөгч, 1996-1998 онд Налайхын цагдаагийн хэлтэст эрүүгийн ахлах төлөөлөгч, 1998 онд ШШБЕГ-ын Нэгдсэн хорих 401 дүгээр ангийн ахлах төлөөлөгч, 1998-2000 онд Тахир соёот дахь Хорих 405 дугаар ангийн дэд дарга, 2000-2003 онд Авдрант дахь Хорих 403 дугаар ангийн дарга, 2005-2007 онд Ганц худаг дахь Цагдан хорих 461 дүгээр ангийн дарга, 2007-2009 онд ШШГЕГ-ын тэргүүн дэд дарга, бөгөөд Тогтоол гүйцэтгэх газрын дарга, 2009-2010 онд Нийслэлийн шүүхийн шийдвэр гүйцэтгэх албаны дарга, 2010-2012 онд Нэгдсэн хорих 401 дүгээр ангийн дарга, 2012-2014 онд ШШГЕГ-ын дэд дарга бөгөөд ШШГ-ын дарга, 2014-2016 онд Цагдан хорих 461 дүгээр ангийн дарга, 2016-2017 онд Сүрьеэгийн хорих 429 дүгээр ангийн дарга, 2018-2019 онд ШШГЕГ-ын дэд дарга бөгөөд Шийдвэр гүйцэтгэх албаны дарга, 2019 онд ШШГЕГ-ын тэргүүн дэд дарга бөгөөд Хорих ял эдлүүлэх албаны дарга, 2019 оны 04 дүгээр сараас ШШГЕГ-ын даргаар тус тус томилогдон ажиллаж  байна.

ХОРИХ 401 ДҮГЭЭР АНГИЙН ДАРГА, ХУРАНДАА БАТТУЛГЫН ТҮВШИНТӨГСИЙН ТОВЧ НАМТАР /2012-2014 он/

Хурандаа Баттулгын Түвшинтөгс нь 1996-2000 онд Цагдаагийн академи, 2004-2006 онд Улаанбаатар-Эрдэм судлал дээд сургуульд Хууль зүйн ухааны магистрын зэрэг хамгаалсан. 2000 оны 06 дугаар сарын 09-ны өдрөөс хорих 403 дугаар ангид ерөнхий жижүүр, 2000 оны 07 дугаар сарын 20-ны өдрөөс барилгын ашиглалтын өмнөх захиргаанд ерөнхий жижүүр, 2001 оны 04 дүгээр сарын 30-ны өдрөөс хорих 409 дүгээр ангид ахуй дэглэмийн байцаагч, 2002 оны 02 дугаар сарын 20-ны өдрөөс хорих 401 дүгээр ангид ахлах төлөөлөгч, 2006 оны 11 дүгээр сарын 21-ний өдрөөс ШШГЕГ-ын Тогтоол гүйцэтгэх газарт эрэл тусгай бүлгийн ахлах ажилтан, 2007 оны 05 дугаар сарын 25-ны өдрөөс ШШГЕГ-ын гүйцэтгэх ажил харуул хамгаалалтын хэлтэст ахлах ажилтан, 2008 оны 08 дугаар сарын 22-ны өдрөөс Хорих 401 дүгээр ангид гүйцэтгэх ажил харуул хамгаалалт эрхэлсэн дэд дарга, 2010 оны 08 дугаар сарын 13-ны өдрөөс Хорих 421 дүгээр ангид гүйцэтгэх ажил харуул хамгаалалт эрхэлсэн дэд дарга, 2012 оны 11 дүгээр сарын 12-ны өдрөөс хорих 401 дүгээр ангийн дарга, 2014 оны 08 дугаар сарын 27-ны өдрөөс Өвөрхангай аймгийн Хархорин сум дахь Шүүхийн шийдвэр гүйцэтгэх хэлтэс-423 дугаар нээлттэй, хаалттай хорих ангийн дарга, 2018 оны 06 дугаар сарын 27-ны өдрөөс Цагдан хорих 461 дүгээр хаалттай хорих ангийн даргаар томилогдон ажиллаж байгаад 2019 оны 02 дугаар сарын 28-ны өдөр түр чөлөөлөгдөн, 2019 оны 06 дугаар сарын 11-ний өдрөөс ШШГЕГ-ын Шуурхай удирдлага хяналтын төвийн дарга, 2019 оны 10 дугаар сарын 07-ны өдрөөс Өвөрхангай аймгийн Хархорин сум дахь Шүүхийн шийдвэр гүйцэтгэх хэлтэс-423 дугаар нээлттэй, хаалттай хорих ангийн даргаар томилогдон ажиллаж байна.

ХОРИХ 401 ДҮГЭЭР АНГИЙН ДАРГА, ХУРАНДАА БЯМБАЦООГИЙН АМАРБАЯСГАЛАНГИЙН ТОВЧ НАМТАР /2015 он/

Хурандаа Бямбацоогийн Амарбаясгалан нь 1983-1993 онд Сэлэнгэ аймгийн Мандал сумын 3 дугаар арван жилийн дунд сургууль, 1994-1998 онд Цагдаагийн дээд сургуулийг эрх зүйч бакалавр, 2007-2008 онд Удирдлагын академийг төрийн удирдлагын менежер бакалавр, 2008-2009 онд Удирдлагын академи  төрийн удирдлагын магистр зэрэг тус тус хамгаалсан. 1998-2002 онд Сэлэнгэ аймгийн Мандал сумын Дарьт дахь 433 дугаар ангид ахлах төлөөлөгч, 2002-2004 онд Говьсүмбэр аймаг дахь 425 дугаар ангид харуул хамгаалалт гүйцэтгэх ажил эрхэлсэн дэд дарга, 2004-2009 онд хорих 405 дугаар ангид харуул хамгаалалт гүйцэтгэх эрхэлсэн дэд дарга, 2009-2013 онд Авдрант дахь  хорих 403 дугаар  ангийн дарга, 2013-2015 онд Шүүхийн шийдвэр гүйцэтгэх ерөнхий газрын Тогтоол гүйцэтгэх газрын ахлах төлөөлөгч, 2015 онд Зайсан дахь хорих 401 дүгээр ангийн даргаар ажиллаж байсан.

ХОРИХ 401 ДҮГЭЭР АНГИЙН ДАРГА, ХУРАНДАА ПҮРЭВИЙН ГАНТӨМӨРИЙН ТОВЧ НАМТАР /2014-2015 он, 2015-2016 он/

Хурандаа Пүрэвийн Гантөмөр нь 1990-1992 онд Говь-Алтай аймгийн Анагаах ухааны дунд сургуулийг бага эмч мэргэжлээр, 1996-2000 онд Цагдаагийн Академийг хуульч мэргэжлээр, 2006-2008 онд Хүмүүнлэгийн ухааны их сургууль, 2008-2010 онд Удирдлагын Академийг төрийн удирдлагын мэргэжлээр тус тус төгссөн. Төрийн удирдлагын магистрантур. 1994-1996 онд Говь-Алтай аймаг дахь Хорих ангид бага эмч, 2000 онд Хөвсгөл аймаг дахь шийдвэр гүйцэтгэх албанд төлөөлөгч, 2000-2002 онд Говь-Алтай аймаг дахь Шүүхийн шийдвэр гүйцэтгэх албанд шийдвэр гүйцэтгэгч, 2002-2007 онд Говь-Алтай аймаг дахь Шүүхийн шийдвэр гүйцэтгэх албаны дарга, 2007-2010 онд Тогтоол гүйцэтгэх газрын тоо бүртгэлийн тасагт ахлах байцаагч, 2010-2011 онд Хорих 409 дүгээр ангид гүйцэтгэх ажил, харуул хамгаалалт эрхэлсэн дэд дарга, 2011-2012 онд Дотоод хэргийн их сургуулийн тэнхимийн эрхлэгч, 2012-2013 онд Өвөрхангай аймаг дахь шийдвэр гүйцэтгэх албаны дарга, 2013-2014 онд ШШГЕГ-ын Хүний нөөц сургалтын хэлтсийн дарга, 2014 онд ШШГЕГ-ын Захиргааны удирдлагын газрын дарга, 2014-2015 оны 01 дүгээр сар хүртэл, 2015 оны 09 дүгээр сараас 2016 оны 02 сар хүртэл Хорих 401 дүгээр ангийн дарга, 2016 онд цагдан Хорих 461 дүгээр ангид харуул хамгаалалтын хэлтсийн дарга, 2016-2017 онд Говь-Алтай аймаг дахь Шүүхийн шийдвэр гүйцэтгэх албаны дарга, 2017 оноос Хорих 405 дугаар ангийн даргаар томилогдон ажиллаж байсан.

ХОРИХ 401 ДҮГЭЭР АНГИЙН ДАРГА, МОНГОЛ  УЛСЫН ХҮНИЙ ГАВЬЯАТ ЭМЧ, ХУРАНДАА КАУСЫЛГАЗЫН АНАРГҮЛИЙН ТОВЧ НАМТАР /2016 он/

Хурандаа К.Анаргүл нь 1956 онд Баян-Өлгий аймагт төрсөн. Дээд боловсролтой, мэс заслын эмч, анагаахын шинжлэх ухааны доктор, Орос, Англи, Франц хэлтэй. Анагаах ухааны дээд сургууль төгсөж, ОХУ-д цэргийн хээрийн мэс засалч эмчийн мэргэжил эзэмшсэн. 2012 онд мэс заслын мэргэшлээр зөвлөх эмчийн зэрэг хамгаалж, Батлан хамгаалахын их сургуулийн эрдмийн зөвлөлөөс профессор цол хүртсэн. К.Анаргүл нь Булган аймгийн Хишиг-Өндөр сумын эмнэлгээс ажлын анхны гараагаа эхэлж улмаар 1982 оноос НАХЯ-ны төв эмнэлэгт мэс заслын эмч , зөвлөх эмч, тасгийн эрхлэгч , 2013 оноос ШШГЕГ-ын Тогтоол гүйцэтгэх газрын нэгдсэн  эмнэлгийн Ерөнхий эмчээр ажиллаж байгаад 2015 оноос ангийн даргаар ажиллаж байгаад 2016 онд хорих 401 дүгээр ангийн даргаар ажиллаж байгаад өндөр насныхаа тэтгэвэрт гарсан.

401 ДҮГЭЭР ХОРИХ АНГИ-НЭГДСЭН ЭМНЭЛГИЙН ДАРГА, ХУРАНДАА БАТЧУЛУУНЫ ЦОГЖАРГАЛЫН ТОВЧ НАМТАР /2017 ОН/

Хурандаа Батчулууны Цогжаргал нь 1975 онд Төв  аймгийн Батсүмбэр суманд төрсөн. 1992 онд Төв аймгийн 10-н жилийн сургуулийг төгсөж 2003 онд Цагдаагийн академийг  эрх зүйч мэргэжлээр суралцан төгссөн. Эрх зүйч мэргэжилтэй, магистр. 1996-1997 онд Хорих 403 дугаар ангид хянагч, 1997-1999 онд Хорих 411 дүгээр ангид хянагч, 2000-2003 онд Хорих 411 дүгээр ангид ээлжийн дарга, 2003-2004 онд Хорих 441 дүгээр ангид ээлжийн дарга, 2004-2005 онд Хорих 429 дүгээр ангид төлөөлөгч, 2005 онд Өвөрхангай аймаг Хархорин сум дахь Шийдвэр гүйцэтгэх албаны төлөөлөгч, 2006-2010 онд Хорих 421 дүгээр ангид харуул хамгаалалт гүйцэтгэх ажил эрхэлсэн дэд дарга, 2010-2011 онд Хорих 433 дугаар ангийн дарга, 2011 оны 12 дугаар сарын 08-ны өдрөөс 2014 оны 05 дугаар сарын 21-ний өдөр хүртэл Мэргэжлийн сургалт-үйлдвэрлэлийн төвийн дарга, 2014-2016 онд Хорих 429 дүгээр ангийн дарга, 2016-2017 онд 401 дүгээр хорих анги-Нэгдсэн эмнэлгийн дарга, 2017-2019 онд Нийслэлийн шийдвэр гүйцэтгэх газрын дарга, 2019 оноос Хорих ял эдлүүлэх албаны Тусгай бүлгийн даргаар ажиллаж байна.

401 ДҮГЭЭР ХААЛТТАЙ ХОРИХ АНГИ-НЭГДСЭН ЭМНЭЛГИЙН ДАРГА, ХУРНАДАА БАТХҮҮГИЙН АМАРДОРЖИЙН ТОВЧ НАМТАР /2017-2018 он/

Хурандаа Батхүүгийн Амардорж нь хуульч мэргэжилтэй, төрийн удирдлагын магистр. Хонхор дахь засан хүмүүжүүлэх хөдөлмөрийн колонид жолооч, 1986-1990 онд ЗХХБУГазрын авто баазад жолооч, 1993-1994 онд ХБУГазарт жижүүрийн туслах, 1994-1996 онд Өндөрхаан дахь хорих ангид тэргүүн дэд дарга, 1996-2009 онд Багануур дахь хорих ангид тэргүүн дэд дарга, 2001-2000 онд Шүүхийн шийдвэр гүйцэтгэх ерөнхий газрын Тусгай тасгийн дарга, Гүйцэтгэх ажил, харуул хамгаалалтын хэлтсийн дарга, 2009-2012 онд Багануур дахь Шийдвэр гүйцэтгэх албаны дарга, 2012-2013 онд Цагдан хорих 461 дүгээр ангийн дарга, 2013-2014 онд Тогтоол гүйцэтгэх газрын дарга, 2014-2015 онд Хорих 407 дугаар ангийн дарга, 2015 онд Шийдвэр гүйцэтгэх газрын Мэргэжлийн удирдлагын тасгийн дарга, 2015-2016 онд Хорих 421 дүгээр ангийн дарга, 2016-2017 онд Цагдан хорих 461 дүгээр ангийн дарга, 2017-2018 онд 401 дүгээр хаалттай хорих анги-Нэгдсэн эмнэлгийн даргаар томилогдон ажиллаж байсан.

401 ДҮГЭЭР ХААЛТТАЙ ХОРИХ АНГИ-НЭГДСЭН ЭМНЭЛГИЙН ДАРГА, ХУРАНДАА ДАВААДОРЖИЙН ТУЛГЫН ТОВЧ НАМТАР /2019-2020 он/

Даваадоржийн Тулга нь 1974 оны 04 дүгээр сарын 01-нд Сэлэнгэ аймгийн Мандал суманд төрсөн. 1982-1992 онд Сэлэнгэ аймгийн Мандал сумын 10 жилийн дунд сургууль, 1994-1998 онд Цагдаагийн дээд сургуулийг эрх зүйч мэргэжлээр бакалаврын зэрэгтэй төгсч 2013-2014 онд Чингис хаан дээд сургуулийн хууль зүйн ухааны магистрийн зэрэг хамгаалсан. Хурандаа Д.Тулга нь 1998-1999 онд хорих 405 дугаар ангид ээлжийн дарга, 1999-2000 онд хорих 405 дугаар ангид ахуй дэглэмийн байцаагч, 2000-2001 онд хорих 421 дүгээр ангид ахуй дэглэмийн байцаагч, 2001-2002 онд хорих 421 дүгээр ангид төлөөлөгч, 2002 онд хорих 413 дугаар ангид харуул хамгаалалт гүйцэтгэх ажил эрхэлсэн дэд дарга, 2002-2004 онд хорих 419 дүгээр ангид ахуй дэглэмийн байцаагч, 2004-2007 онд хорих 429 дүгээр ангид ээлжийн дарга, 2007-2012 онд хорих 423 дугаар ангид харуул хамгаалалт гүйцэтгэх ажил эрхэлсэн дэд дарга, 2012-2017 онд хорих 427 дугаар ангид ангийн дарга, 2017-2019 онд Хэнтий аймгийн хорих 419 дүгээр ангид ангийн дарга, 2019 оны 02 дугаар сараас Сүхбаатар аймгийн ШГА-нд ангийн дарга, 2019 оны 04 дүгээр сараас 401 дүгээр хаалттай хорих анги-Нэгдсэн эмнэлгийн ангийн даргаар томилогдон ажиллаж байсан.

401 ДҮГЭЭР ХААЛТТАЙ ХОРИХ АНГИ-НЭГДСЭН ЭМНЭЛГИЙН ДАРГА, ХУРАНДАА ШАРХҮҮГИЙН БУЛГАНЫ ТОВЧ НАМТАР /2018-2019 он, 2020 оны 08 сараас одоог хүртэл/

Шархүүгийн Булган нь 1980-1982 онд Тээврийн техник мэргэжлийн сургууль, 1988-1992 онд Цэргийн дээд сургуулийг эрх зүйч мэргэжлээр тус тус суралцан төгссөн. 1984-1992 онд хорих 433 дугаар ангид токарын мастер, 1992 оны 07 дугаар сараас дамжин өнгөрүүлэх 401 дүгээр ангид ээлжийн дарга, 1993 оны 07 дугаар сараас Хархорин дахь хорих ангид тэргүүн дэд дарга, 1994 оны 08 сарын 29-ны өдрөөс Хархорин дахь хорих ангид газар тариалангийн хэсгийн дарга, 1994 оны 12 сарын 12-ны өдрөөс Хархорин дахь хорих ангид төлөөлөгч, 1995 оны 02 дугаар сарын 24-ны өдрөөс Хархорин дахь хорих ангид ахлах төлөөлөгч, 1996 оны 06 дугаар сарын 04-ны өдрөөс Тахир соёот дахь хорих ангид төлөөлөгч, 1996 оны 06 дугаар сарын 13-ны өдрөөс ХБУГ-ын тусгай тасагт ахлах төлөөлөгч, 1996 оны 12 сарын 07ны өдрөөс Амгалан дахь 421 дүгээр хорих ангид харуул хамгаалалт эрхэлсэн дэд дарга, 1997 оны 01 дүгээр сарын 28-ны өдрөөс Амгалан дахь 421 дүгээр хорих ангид ахуй дэглэмийн байцаагч, 1998-1999 онд хорих 415 дугаар ангид ангийн дарга, 1999-2004 онд Дархан-Уул аймаг дахь хорих ангийн дарга, 2004-2007 онд хорих 409 дүгээр ангийн дарга, 2007-2008 онд 461 дүгээр цагдан хорих ангийн дарга, 2008-2011 онд 409 дүгээр хорих ангийн дарга, 2011-2012 онд Барилга ашиглалтын өмнөх захиргааны дарга, 2012-2015 онд 409 дүгээр хорих ангид ангийн дарга, 2015 оны 02 дугаар сараас ШШГЕГ-ын Тогтоол гүйцэтгэх газрын дарга, 2015-2018 онд 409 дүгээр хаалттай хорих ангид ангийн дарга, 2018-2019 онд 401 дүгээр хаалттай хорих анги-Нэгдсэн эмнэлэгт ангийн дарга, 2019-2020 онд ШШГЕГ тэргүүн дэд дарга бөгөөд Хорих ял эдлүүлэх албаны дарга, 2020 оны 08 дугаар сараас одоог хүртэл тус ангийн даргаар ажиллаж байна.

Back to top button